Գլխավոր էջ | Միջազգային | Դիմակների դերը COVID-19 -ի դեմ պայքարում ավելի մեծ է, քան կարծում էինք․ The New England

Դիմակների դերը COVID-19 -ի դեմ պայքարում ավելի մեծ է, քան կարծում էինք․ The New England

By
Դիմակների դերը COVID-19 -ի դեմ պայքարում ավելի մեծ է, քան կարծում էինք․ The New England

COVID-19 համավարակի ընթացքում դիմակ կրելը կարող է վիրուսի դեմ պայքարի ավելի ուժեղ միջոց լինել քան կարծում էիք:

Բժշկական The New England պարբերականի վերջին հոդվածն առաջարկում է, որ դիմակների համընդհանուր կրումը «կարող է նվազեցնել հիվանդության ծայրահեղ դրսևորումները և մեծացնել առանց նախանշանների վարակի անցկացման հավանականությունը»: Այս մասին գրում է Ամերիկայի Ձայնը։

Եթե այս նախադրյալը ճիշտ է, ապա, ըստ հոդվածի, դիմակ կրելը կարող է դառնալ կանխարգելման մի միջոց, «որը պաշտպանություն կստեղծի և հետևաբար կդանդաղեցնի վիրուսի տարածումը» մինչև համապատասխան պատվաստանյութի ստեղծումը:

Պարբերականը մեջբերում է կատարել ԱՄՆ-ում սննդի մշակման կենտրոններում COVID-19-ի բռնկումի օրինակից, ուր աշխատողները պարտավոր էին դիմակ կրել ամեն օր:

«Ավելի քան 500 վարակվածների 95%-ը նախանշաններ չեն ունեցել, իսկ մյուս 5%-ի նախանշանները եղել են թույլ կամ միջին»,- ասում է պարբերականը:

Հոդվածը նաև նշել է, որ "վարակվածների շրջանում մահացության թիվն ավելի ցածր է եղել այն երկրներում, ուր դիմակները պարտադիր են եղել, նույնիսկ սահմանափակումների թուլացումից հետո»:

Հոդվածի համահեղինակ դոկտոր Մոնիկա Գանդին, ով Սան Ֆրանցիսկոյի Կալիֆոռնիայի համալսարանի վարակաբան է, բրիտանական The Telegraph լրատվականին ասել է «Ճիշտ է, որ դիմակների շնորհիվ առանց նախանշանների վարակվածների թվի մեծացումը կարող է մեծացնել վիրուսի դեմ գոնե կարճատև իմունիտետ ձեռք բերող բնակչության թիվը՝ պատվաստանյութին սպասելու ընթացքում»:

Այդուհանդերձ նա զգուշացրել է, որ դիմակ կրելու արդյունավետության ուղղությամբ նոր հետազոտություններ պետք է կատարվեն:

 

 

 

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0