Գլխավոր էջ | Թուրքիա | Մխիթար Հայրապետյանը Արևելագիտության ինստիտուտում քննարկել է Հայաստան- Իրան հարաբերությունները

Մխիթար Հայրապետյանը Արևելագիտության ինստիտուտում քննարկել է Հայաստան- Իրան հարաբերությունները

By
Մխիթար Հայրապետյանը Արևելագիտության ինստիտուտում քննարկել է Հայաստան- Իրան հարաբերությունները

ՀՀ ԳԱԱ Արևելագիտության ինստիտուտում ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի, Հայաստան-Իրան բարեկամական խմբի նախագահ Մխիթար Հայրապետյանը հուլիսի 23-ին հանդիպել է ինստիտուտի աշխատակիցների հետ՝ տնօրեն ակադեմիկոս Ռուբեն Սաֆրաստյանի գլխավորությամբ։ Այս մասին տեղեկացրին Մխիթար Հայրապետյանի գրասենյակից։

«Հանդիպման ընթացքում քննարկում է ծավալվել ինչպես հայ-իրանական հարաբերությունների, այնպես էլ, առհասարակ, տարածաշրջանային զարգացումների մասին։ «Որպես Հայաստան-Իրան բարեկամական խմբի նախագահ՝ չափազանց կարևորում եմ խորհրդարանականներիս մշտական փոխգործակցությունը գիտական շրջանակների, ոլորտի մասնագետների հետ»,-նշել է Մխիթար Հայրապետյանը։

Հանդիպմանը մասնակցել է նաև ԱԺ պատգամավոր, Հայաստան-Իրան բարեկամական խմբի անդամ Վաղարշակ Հակոբյանը։

Հիշեցնենք, որ Մխիթար Հայրապետյանը Հայաստան-Իրան բարեկամական խմբի նախագահությունը ստանձնել է երկու շաբաթ առաջ Ազգային ժողովի խորհրդի որոշմամբ»,- ասվում է հաղորդագրության մեջ:

 

 

 

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0